«ZHANARTU» қайырымдылық қорының негізін қалаушы Нұрәлі Әлиев КИМЭП Университетінде «Бизнестегі ақпараттық жүйелер» (BISB) жаңа бағдарламасын табысты аяқтаған алғашқы студент Дінмұхаммет Жолдыбаймен кездесті. Дінмұхаммет «ZHANARTU» Қайырымдылық Қорының грантының иегері. Ол алғашқы талапкерлер қатарында жаңа BISB бағдарламасына түсті. Міне, 2,5 жылдан кейін Дінмұхаммет өзінің үздік дипломын алды.
Кездесу барысында түлек Нұрәлі Рахатұлына осы жылдар бойы көрсеткен қолдауы үшін алғысын білдіріп, BISB туралы алған әсерлерімен бөлісті, өзінің жобалары мен алдағы жоспарлары туралы айтты.
«Сіз көптеген жобалардың және көп жетістіктердің иегерісіз. Бізде осындай прогрессивті жастар бар екеніне өте қуаныштымын. Біз де бағдарламаны ақпараттық жүйелерде белсенді, жүйеде озған және оны түсінетін жастар үшін жасауға тырыстық» – деп, Н. Әлиев әңгіме барысында атап өтті.
Сондай-ақ қордың негізін қалаушы Дінмұхамметке оның бизнес-жобаларында тәлімгерлікті ұсынды: «Біз алдағы уақытта Сізбен байланыста боламыз. Сізден бастап осындай клуб немесе біз пікір алмасатын қауымдастық құрылады деп есептеңіз. Сізде бәрі енді басталады. Сізге үлкен табыстар тілейміз!»
Естеріңізге сала кетейік, «Нұрәлі Әлиев атындағы Бизнестегі ақпараттық жүйелер бакалавры» жаңа академиялық бағдарламасы 2018 жылы КИМЭП Университетінде басталды. Бағдарлама мәліметтер базасын басқару, жеткізілім тізбегі, бағдарламалау, статистика, электронды бизнес, бұлтты технологиялар және т. б. сияқты пәндерді зерттеуді қамтиды.