Гуманитарлық жүк Бейжіңнен келді және 300 оттегі концентраты мен 26 жасанды желдеткіш аппаратын қамтиды.
Бүгін Алматы қаласына Қытай Халық Республикасынан гуманитарлық жүк келді. Гуманитарлық көмекті ұйымдастырумен Нурали Алиевтің «ZHANARTU» жеке қайырымдылық қоры айналысты.
«ZHANARTU» қайырымдылық қоры Қазақстанның медициналық мекемелері үшін өтеусіз негізде 300 7F оттегі концентраты мен 26 Positive Airway Pressure Units YH-830 (Bi-level) with Independent Humidifier with LCD screen өкпені жасанды желдеткіш аппаратын берді. Медициналық жабдық Алматы қаласы әкімдігіне одан әрі ауруханаларға тарату үшін берілетін болады.
Қор жетекшісі Нурали Алиев: «Өз атымнан және COVID-19-ға қарсы күреске осы гуманитарлық көмек ұйымдастыру идеясын қолдаған серіктестер атынан барлық науқастанған қазақстандықтарға қолдау сөздерін арнаймын. Коронавирусты тезірек жеңіп шығуды шын жүрегімнен тілей отырып, отандық медициналық мекемелерге біздің гуманитарлық көмекті тапсырамыз!»
Нурали Алиевтің өз атынан «ZHANARTU» қайырымдылық қоры «Дегдар» гуманитарлық қорына, «Technodom» компаниясына, «Астана-Моторс» моторлық компаниясына», «Аллюр» компаниялар тобына», «Транстелеком» АҚ-ға, «Аяла» жеке қайырымдылық қорына, (ерлі-зайыптылар Данияр Абулғазин мен Айдан Сүлейменоваға), Дмитрий Самарцевтің, Рустам Баялиевтің, Диас Оспановтың атынан Қазақстандағы BI.ZONE компаниясына және басқа да достары мен серіктестеріне қорға медициналық жабдық сатып алуға қосқан үлесі үшін алғыс білдіреді.
Сондай-ақ біз «DPARTNERS» компаниясына ақпараттық қолдағаны, «Эйр Астана» компаниясына әуе рейсін ұйымдастыруда бірлескен ынтымақтастығы үшін, ҚР Денсаулық министрлігіне, ҚР Сыртқы істер министрлігіне, Алматы қаласының әкімдігіне, «Алматы» әлеуметтік-кәсіпкерлік корпорациясына» және Алматы қаласының халықаралық әуежайына қолдау білдіргені үшін алғыс айтамыз.
Естеріңізге салайық, танымал Қытай бизнесмені және «Alibaba Group» компаниясының негізін қалаушы Джек Маның қолдауымен «ZHANARTU» қорының негізін қалаушы COVID-19-ды емдеу үшін медициналық жабдық шығаратын «YUWELL» қытайлық зауытының басшылығымен жасанды желдеткіш аппараттары мен оттегі жабдықтарын өз құны бойынша жеткізу туралы келісті.