«Zhanartu» қорының негізін қалаушы және құрылтайшысы «Бизнестегі ақпараттық жүйелер» (BISB) Бакалавриат бағдарламасының алғашқы түлектерін жақында өткен Graduation 2020-2021 салтанатты ресми іс-шарасында құттықтады.
Нұрәлі Рахатұлы BISB бағдарламасының барлық түлектеріне IT және бизнес әлемінде үлкен табыстар мен жарқын жеңістер тіледі, сондай-ақ осы бағыт бойынша ерекше көзге түскен студенттерді де атап өтті: «Іс-шара аясында біздің BISB бағдарламамыз алғашқы легін – бизнестегі болашақ IT мамандарын – бес түлегін ресми түрде даярлап шығарды! Олардың үшеуі – «ZHANARTU» қайырымдылық қоры ұсынған менің атаулы грантымның алғашқы иегерлері – талантты жастар Дінмұхаммет Жолдыбай, Алуа Нұрбекова және Досжан Серікбек болғанын мақтан етемін». Құттықтау сөзінен кейін Нұрәлі Рахатұлы КИМЭП университетіне BISB студенттеріне технология және бизнес саласында құнды және сапалы білім бергені үшін алғыс білдірді.
Есіңізге сала кетейік, 2018 жылы BISB бағдарламасына біздің құрылтайшымыз Нұрәлі Әлиевтің Қазақстандағы көшбасшы бизнес мектебі – Бэнг атындағы бизнес факультетімен және КИМЭП Университетінің Президенті доктор Чан Йан Бэнгпен бірлесіп бастамашылық еткен болатын. Бағдарлама бизнес үшін ақпараттық технологиялар саласында жоғары білікті мамандарды даярлауға бағытталған.