Қазақстандық «/flash» командасы өздері ойлап тапқан «QamCare» мобильді қосымшасымен Халықаралық «Technovation challenge» IT-байқауында топ жарды.
Бүгін, 11 тамыз күні Сан-Францискода өтіп жатқан Халықаралық «Technovation challenge» IT-байқауында бақ сынап жатқан қазақстандықтардың мобильді қосымшасы үздік деп танылды. Алматылық оқушы қыздардың «/flash» командасы байқаудың бас жүлдесі – 15 000 АҚШ доллары көлеміндегі бас жүлдені қанжығаларына байлады.
Селикон жазығында байқау қазыларына Ажар Сұлтансих, Диана Жанақбаева, Дияра Бейсенбекова, Аружан Қошкарова өздерінің ойлап тапқан «QamCare» мобильді қосымшасының таныстырылымын өткізді. Ол шұғыл қажет болса қас қағым сәтте туған-туыстарына өзінің қайда екеніні жайында хабарлама жібереді. Мобильді қосымшаның ерекшелігі сол – оның жедел хабарламаны ұялы телефонсыз-ақ тиісті адамдарға жіберетін «SOS» тетігінде.
Тапқыш қыздардың айтуы бойынша «QamCare» қазақтың қамқор сөзінен шығарған. Демек, қосымша мағызды ададарға деген қамқорлықтан туған. Қазақстандық екінші команда «GoWaco» үздік 6 финалистің тізіміне кіріп, 10 мың АҚШ доллары көлеміндегі кепіл сыйлыққа ие болды.
Қазақстанда «Technovation challenge» байықауы бас серіктес Нұрәлі Әлиевтың «ZHANARTU» қайырымдылық қорының қолдауымен өткен болған болатын.
Қазақстандық екі топтың байқаудың әлемдік финалына өтіп, мобильді қосымша ойлап тапқан басқа да үміткерлердің ішінен оза шығуы бұрын соңды болмаған жадай.
«Technovation Challenge» – бұл 10-18 жас аралығындағы қыздар арасында ІТ және кәсіпкерлік дағдыларды дамытуға арналған халықаралық әлеуметтік, гендерлік бағдарлама. Әлем бойынша (78 мемлекеттен келген) оқушы қыздар қоғамдағы әлеуметтік маңызды мәселелерді шешуге бағытталған өздерінің мобильді қосымшаларын ойлап табады. Халықаралық байқаудың жеңімпаздары 10 000 АҚШ доллары көлеміндегі бас жүлдені иеленеді.
Байқау ұйымдастырушысы Силикон алаңындағы «Iridescent» бейкоммерциялық, қайырымдылық ұйымы болып табылады.
Ізгі тілекпен, Нұрәлі Әлиевтың «ZHANARTU» қайырымдылық қоры