Қазақстандық екі топ Сан-Францискода өтіп жатқан халықаралық «Technovation challenge» IT байқауының ақтық финалына қатысып, 15 000 $ көлеміндегі бас жүлдеден үмітті.
Маусым айының 9-нда халықаралық «Technovation challenge» IT байқауының ақтық сынына қатысатын командалардың аттары белгілі болды.
Қазақстанда өткен «Technovation challenge» байықауының бас серіктесі Нұрәлі Әлиевтың «ZHANARTU» қайырымдылық қоры болған болатын.
Ақтық сынға жолама алған алты топтың екеуі қазақстандық топ. Олар «QamCare» мобильді қосымшасын ойлап тапқан «/flash» және командасына аттас «GoWaco» қосымшасын ойлап тапқан «GoWaco» командасы
Алматылық оқушылардан құралған «/flash»
командасы «QamCare» мобильді қосымшасын ойлап тапқан. Ол шұғыл қажет болса қас қағым сәтте туған-туыстарына өзінің қайда екеніні жайында хабарлама жібереді. Мобильді қосымшаның ерекшелігі сол – оның жедел хабарламаны ұялы телефонсыз-ақ тиісті адамдарға жіберетін «SOS» тетігінде.
Екінші «GoWaco» командасы да алматылық қыздар. Олардың қосымшасы мектеп оқушылары мен студенттер арасында макулатураны іріктеп, тапсыру және пайдаға асыруды насихаттайды. «GoWaco» мобильді қосымшасы арқылы оның белсенді қолданушылары бонустар мен балдар жинап, өзге де қолданушылармен макулатура тапсыруда жарысқа түсе алады.
Халықаралық байқаудығ шарты бойынша аты аталған екі команда тамыздың 7-11 аралығында өтетін финалға қатысады. Қазақстандық оқушылар Армения, Кения және Үндістаннан келген қарсыластарымен сынға түсіп, 10 000 мың АҚШ доллары көлеміндегі жүлде үшін сынға түседі.
Естеріңізге сала кетейік, мамырдың 1-і және 7-і Астана мен Алматы қалаларында қазақстандық 44 топ қатысқан өңірлік іріктеу туры өткен болатын, оның қорытындысы бойынша 5 команданың ғана жұмысы таңдалып, халықаралық байқауға жіберілген болатын.